Ásdís Spanó

Ég hef verið félagi í SÍM síðastliðin 12 ár og starfa í dag sem myndlistarmaður, kennari og verkefnastjóri.

Eftir lok myndlistarnáms frá Listaháskóla Íslands árið 2003 hef ég sýnt jafnt og þétt á samsýningum og einkasýningum.  Einnig stundaði ég myndlistarnám við Central Saint Martins í London og Accademia di Belle Arti í Bologna.  2011 lauk ég mastersnámi í listkennslu frá LHÍ og viðbótar diplómanámi á MA stigi í safnafræði við HÍ 2013.

Samhliða starfi mínu sem myndlistarmaður hef ég komið að ýmsum verkefnum tengdum starfsumhverfi myndlistar m.a. komið að rekstri Hverfisgallerís sem aðstoðar framkvæmdarstjóri.  Unnið sem kennari í Tækniskólanum, kennt lita- og formfræði. Unnið að verkefnum fyrir Myndlistarráð, Listasafn Reykjavíkur, Listaháskóla Íslands og SÍM auk þess hef ég setið í ráðum og stjórnum á sviði hönnunar og myndlistar.

Reynsla mín og þekking á ólíkum sviðum myndlistar getur stutt við og eflt það góða starf sem sambandið hefur unnið að á undanförnum árum.

WP2Social Auto Publish Powered By : XYZScripts.com