Bodskort Nytt

Anna Gunnarsdóttir sýnir í Listhúsi Ófeigs

Anna Gunnarsdóttir, textil listakona opnar sýningu sína ,,Sensitive Landscape,, laugardaginn 19. nóvember kl 15. í Listhúsi Ófeigs, Skólavörðustíg 5.

Verkin eru smá myndbrot sem sjást í náttúru landsins. Öll eru verkin gerð úr silki og ull sem Anna málar og formar eftir japanskri shibory tækni.

Hún er búin að vinna við textil í yfir 25 ár og hefur þróað sína aðferð við þæfingu þar sem verkin hennar eru byggð á ljósi og skugga.

Anna er buin að vera iðin við það að sýna verkin sín erlendis undanfarin ár. Hún hefur verið valin inn á sýningar víðs vegar í heiminum þar hefur hún meðal annars sýnt stór þrívíddar verk úr íslenkri ull sem hafa staðið í fjörunni allt frá Ástralíu til Danmerkur.

Hún hefur kennt þrívíddar þæfingu meðal annars í Haystack USA, Englandi,
Þýskalandi, Ástralíu og fleiri löndum.

Vinnustofa hennar er til húsa í Brekkugötu 3a Akureyri.

Sýning hennar stendur til 14. Desember. 2016.

WP2Social Auto Publish Powered By : XYZScripts.com