Geggamynd

Af jörðu ertu, myndlistarsýning Helgu Birgisdóttur (Geggu)

Borgarbókasafnið Spönginni, 26. september – 31. október 2020
Opnun laugardag 26. september kl 14

Leir og litir leika á striga í málverkum Geggu (Helgu Birgisdóttur). Ástríðan fyrir lífinu, sköpun þess og mystíkinni er innblástur verkanna. Hún veltir upp spurningum sem engin lifandi vera getur svarað en svo margir vilja vita; Hver erum við? Hvaðan komum við? Hvert förum við. . . ef eitthvert?

Móðir Jörð er okkar staður hér og nú. Hún býður upp á óendanlegar allsnægtir og næringu öllum til handa. Virðing og vitund um að við erum hluti af náttúrunni eru forsendur þess að allsnægtirnar endist. Ekkert barn ræðst á móður sína á meðan brjóstið nærir það. Engin móðir nær með tærnar þangað sem þessi heilaga móðir hefur hælana.

Gegga er með BA próf úr leirlistadeild LHI og hér notar hún leirinn á óvenjulegan hátt – beint úr jörðu á strigann, ásamt akrýllitum og fleiru sem fellur til.

WP2Social Auto Publish Powered By : XYZScripts.com