á Ystu Nöf

Á ystu nöf – Helgi Þórsson sýnir í Gerðubergi

Sýning Helga Þórssonar, Á ystu nöf, opnar í Borgarbókasafninu | Menningarhúsi, Gerðubergi 3-5, 111 Reykjavík, 11. janúar kl. 15:00

“Nú eru tímamót ég stend á krossgötum og er líka í tímaflakki nýkominn frá Belgíu þar sem ég hef verið að daðra við listagyðjuna síðustu árin, sú umtalaða hefur gefið mér undir fótinn annaðslagið en skilur mig alltaf eftir í efanum og því meira sem ég rembist versnar staðan, nú er svo komið ég veit ekki hvort ég sé að koma eða fara en er víst á réttri leið samkvæmt stjörnuspánni.

Á sýningunni minni í Borgarbókasafninu | Menningarhúsi í Gerðubergi mun ég bjóða upp á samsuðu af því nýjasta frá Belgíu og því glænýjasta frá síðustu dögum ársins 2019 og 2020 á Íslandi. Ég hyggst vinna nokkrar hugmyndir í járn og er innblásinn af Gerðubergi sjálfu.” Helgi Þórsson.

Helgi Þórsson (f. 1975) hefur um árabil búið í Belgíu en er nú fluttur heim. Helgi nam myndlist í Hollandi og lauk BA gráðu í myndlist úr Gerrit Rietveld Academie, 2002, og að lokum MA gráðu í myndlist úr Sandberg Institiut, bæði í Hollandi, árið 2004. Verk Helga eru skrautleg, litrík, persónuleg og sérstök.
Hægt er að kynna sér verk Helga Þórssonar betur á síðunni helgithorsson.com

Sýningin opnar 11. janúar kl. 15:00.
Sýningin stendur til og með 23. febrúar og er opin almenningi á opnunartíma hússins.

Borgarbókasafnið | Menningarhús Gerðubergi er opið alla virka daga frá 8 – 18, nema miðvikudaga þá er opið til 21. Um helgar er opið að öllu jöfnu frá 13 -16.

Facebook Viðburður

WP2Social Auto Publish Powered By : XYZScripts.com