Ingi

Leiðsögn með listamanni: Ingvar Högni Ragnarsson

Leiðsögn með listamanni: Ingvar Högni Ragnarsson

Næstkomandi sunnudag, 24. janúar kl. 15, mun Ingvar Högni Ragnarsson ræða við gesti um sýningu sína Uppsprettur. Ljósmyndasýningar Ingvars Högna og Katrínar Elvarsdóttur standa samhliða í Gerðarsafni sem liður í Ljósmyndahátíð Íslands.

Ingvar Högni sýnir ljósmyndaseríu sem hann tók í þriggja vikna vinnustofudvöl við ARCUB í Rúmeníu árið 2015. Hann velur sér að huga að rólegu andrými hins hráa hversdagsleika þar sem hann dregur fram persónulegt sjónarhorn á umhverfið og einstaklinginn. Búkarest, höfuðborg  Rúmeníu, á sér flókna sögu. Húsnæðisvandi er mikill og félagslegt húsnæði frá tíma kommúnismans (1945-1989) enn við lýði. Yfir 60% íbúa búa við kröpp kjör og eiga sér takmarkaða framtíðarmöguleika. Ingvar Högni gengur inn í flókið samspil samfélagsins og stéttaskiptingar þess. Sem dæmi má nefna myndir teknar á Vacaresti-svæðinu rétt fyrir utan borgina. Um árabil var þar dreifð og gróin byggð sem var rutt úr vegi fyrir byggingu manngerðs fljóts. Lítið hefur verið unnið að svæðinu frá 1988 og hefur móðir náttúra haft yfirhöndina í mótun þess. Í þessu draumkennda grænlendi má enn finna fólk sem hefur tekið sér búsetu á þessu óræða svæði vegna ósættis um eignarhald milli ríkis og fyrri húseigenda sem voru hraktir burt af svæðinu. Persónulegar sögur einstaklinga um brostna fortíð eða framtíðarvonir koma skýrt fram í nálgun Ingvars Högna og fjölradda frásögnin eða samtalið sem ljósmyndarinn á við viðfangsefnið birtist með beinum hætti í titlum verkanna.

Ingvar Högni Ragnarsson (f. 1981) útskrifaðist frá Listaháskólanum árið 2007 eftir að hafa áður stundað nám við Den Koninklijke Academie von Beeldende Kunsten, Den Haag. Árið 2015 var hann tilnefndur til alþjóðlegu ljósmyndaverðlaunanna Foam Paul Huf Awards sem ætlað er ungum listamönnum. Hann hefur verið valinn sem fulltrúi íslenskra ljósmyndara í fjölda verkefna á síðustu árum, m.a. The ARCUB sem bauð fimm ljósmyndurum frá Skandinavíu til að taka þátt í verkefninu. Má einnig nefna Nordic Now: Contemporary Scandinavian Photography, 2014; Inner and Outer Landscapes, Centrum för photografi – Stokkhólmur, Northern Photographic Center, Oulu, Finnland, Fotografisk Center, Kaupmannahöfn 2014 -2015, Frontiers of Another Nature, Gallery Hippolyte, Helsinki, Finland, Frankfurt Kunstverein, Frankfurt, 2011-2013, U-landed, Färgfabriken Norr, Svíþjóð, og Raunveruleikatékk, Listahátíð í Reykjavik, 2010. Meðal sýninga á Íslandi má nefna samsýninguna Enginn staður – íslenskt landslag, Hafnarborg, Hafnarfjörður, 2015 og einkasýninguna Veggir, Ljósmyndasafn Reykjavíkur, 2012.

Artist´s talk: Ingvar Högni Ragnarsson

Ingvar Högni Ragnarsson will discuss his exhibition Deltas next Sunday, 24 January at 3 p.m. Ingvar Högni and Katrín Elvarsdóttir exhibit their photographic series at Gerðarsafn as part of the Icelandic Photography Festival.

Ingvar Högni exhibits his series Deltas of Bucharest made as a result of a three week residency at ARCUB in Romania in 2015. In the series, he sheds a light on the quiet moments of people’s lives and their everyday surroundings. The capital of Romania is a city with a complex and diverse history. Social housing from the communist period (1945-1989) still prevails and approximately 60% of the population lives in poverty and have few opportunities. Ingvar Högni revealing a complicated and layered social class that still remains in the country, for example the photographs from Vacaresti-area outside of Bucharest. The area used to be a grown rural area that was cleared away in order to create a man-made river. Little has happened in the area since 1998 and Mother Nature has made its mark on the place. Today groups of people live in this green paradise that is placed between in the conflict between the state and former homeowners that were forced to leave. Ingvar Högni gives a personal insight to past traumas or future hopes of his subjects. The many voices of the narrative in the series appear directly in the titles of the works.

Ingvar Högni Ragnarsson (b. 1981) graduated from The Icelandic Academy of the Arts in 2007 having previously studied at the Den Koninklijke Academie von Beeldende Kunsten, Den Haag. In 2015 he was nominated for the internationally acclaimed Foam Paul Huf Awards for artists under 35. In past years has been chosen as an Icelandic representative in various photographic projects including The ARCUB project, Nordic Now: Contemporary Scandinavian Photography, 2014; Inner and Outer Landscapes, Centrum för photografi – Stockholm, Frontiers of Another Nature, Gallery Hippolyte, Helsinki, Finland and Frankfurt Kunstverein, Frankfurt 2011-2013. Icelandic exhibitions include the group show No place, Hafnarborg, Hafnarfjörður, Iceland, 2015 and solo exhibition, Walls, Reykjavik Photographic Museum, 2012.

WP2Social Auto Publish Powered By : XYZScripts.com