AUGLÝSING UM STYRKI – FRÁ LETTERSTEDTSKA SJÓÐNUM vorið 2016

AUGLÝSING UM STYRKI

FRÁ LETTERSTEDTSKA SJÓÐNUM vorið 2016

Letterstedtski sjóðurinn hefur það hlutverk að styrkja norrænt samstarf og samstarf við  Eystrasaltsríkin á sviði rannsókna, lista, vísinda og fræða.

Sjóðurinn kallar hér með eftir umsóknum um styrki vorið 2016 með umsóknarfresti til 15. febrúar n.k.

þeir einir koma til greina, sem lokið hafa námi og hyggja á frekari rannsóknir eða þekkingarleit á starfssviði sínu, svo sem við rannsóknir á vísinda- eða fræðastofnun eða með þátttöku í fundum eða ráðstefnum.

Íslandsdeild Letterstedtska sjóðsins veitir styrki til ferða milli norrænu landanna og Eystrasaltsríkjanna. Styrkupphæð jafngildir lægsta flugfargjaldi milli viðkomandi landa, en hvorki eru veittir styrkir til ferða innan landanna né til uppihalds. Umsóknir undirritaðar af umsækjanda með greinargóðum upplýsingum um tilgang fararinnar skal senda á íslensku til ritara Íslandsdeildar Letterstedtska sjóðsins, Snjólaugar G. Ólafsdóttur, Vesturbrún 36, 104 Reykjavík.

Þór Magnússon, formaður Íslandsdeildar sjóðsins, veitir frekari upplýsingar í síma

5515320 og Snjólaug G. Ólafsdóttir í síma 5687737 eða í tölvup. (sngola@simnet.is)

Aðalstjórn Letterstedtska sjóðsins veitir styrki að upphæð 10-50 000 sænskar kr.

til ráðstefnuhalds, til að kosta heimsóknir fyrirlesara, til vísindaferða,

prentunar, þýðinga og netútgáfu. Þá eru veittir styrkir til útgáfu doktorsritgerða og

rannsóknastarfa. Forsenda styrkveitinga er að umrædd starfsemi hafi samnorrænt gildi

eða  tilvísun.

Þá geta samnorrænar stofnanir sótt um styrki til að bóka- og tækjakaupa.

Umsóknir til aðalstjórnar skal senda á sænsku, dönsku eða norsku til

Letterstedtska föreningens huvudstyrelse, Box 1074, SE-101 39 Stockholm.

Allar nánari upplýsingar um sjóðinn og styrkveitingar úr honum er að finna á slóðinni:

http://www.letterstedtska.org/anslag/

WP2Social Auto Publish Powered By : XYZScripts.com