C732319a 3be1 4fcc Bc54 22da4df44dd6

Sýningarleiðsögn: Bjarni Hinriksson um Erró

Fimmtudag 20. október kl. 20 í Hafnarhúsi

Bjarni Hinriksson, teiknari og myndasöguhöfundur, leiðir gesti um sýningu Errós, Stríð og friður. Bjarni veitir innsýn í lestur verkanna með skírskotun til uppruna þeirra mynda sem Erró skeytir saman í verkum sínum. Sérstaklega er sjónum beint að rýminu á milli myndanna – því sem er ósagt en kann í raun að vera inntak verkanna.

Sýningin Stríð og friður stendur í Hafnarhúsinu fram í janúar 2017. Þar eru verk frá löngum ferli listamannsins sem skírskota bæði til sögulegra átaka og önnur sem eru hans hugarsmíð. Hann víkur að styrjaldarátökum með myndum sem hann safnar hvaðanæva úr heiminum: auglýsingum, fréttamyndum, teiknimyndum, áróðursplakötum og myndasögum. Hann setur þær saman í klippimyndir og síðan í málverk og býr þannig til margbrotnar, þaulhugsaðar og um leið opnar frásagnir.

Aðgöngumiði á safnið gildir. Frítt fyrir handhafa Menningarkorts Reykjavíkur.

WP2Social Auto Publish Powered By : XYZScripts.com