Myndlistarfélagið

Myndlistarfélagið hefur verið starfrækt á Akureyri frá byrjun árs 2008. Félagið hefur frá stofnun unnið að því að betrumbæta starfsumhverfi listamanna á Eyjafjarðarsvæinu og setur sér það markmið að vera leiðandi afl í menningarstarfsemi bæjarins. Félagið rekur sýningarsal í Listagilinu, slagæð listasenu Akureyrar. Salurinn á sér mikla sögu, þar var áður til húsa listrýmið Kompan og síðar Gallerí Box.

Starfsemi félagsins snýst að miklu leitu um sýningarhald í salnum en félagið er einnig málsvari listamanna á svæðinu, fundar reglulega með Akureyrarstöfu, vinnur að innlendu sem erlendu samstarfi auk þess að vera tengiliður félagsmanna í SÍM. Tilgangur félagsins er einnig að efla umræðu um myndlist og auka þekkingu og fræðslu um myndlist.

Nýleg sýningarnefnd mun stýra næsta sýningarári til skiptis við sýningar meðlima félagsins. Áhersla verður lögð á rýmisinnsetningar og umbreytingar á því. Við teljum að það sé mikilvægt að efla enn frekar samstarf og samskipti við listafólk af öllum toga, hvar sem er á landinu. Hér á svæðinu eru við heppin að vera í nálægð við Verksmiðjuna á Hjalteyri, Listhúsið á Ólafsfirði og Safnasafnið á Svalbarðsströnd. Mikilvægt er að efla samstarf og samskipti við þessa öflugu sýningastaði sem hafa verið leiðandi í samstarfi við erlenda sem og innlenda listamenn.

Stjórn félagsins hittist í hverjum mánuði og ræðir þau verkefni sem eru framundan ásamt því að taka á hinum ýmsu málum sem varða hið fjölbreytta menningarlíf í Listagilinu. Félagafundir eru einnig haldnir mánaðarlega þar sem stjórn býður upp á umræður varðandi störf stjórnarinnar, fær ábendingar um það sem betur má fara og fleira. Mikilvægt er að allir hafi rödd og að félagsmenn hafi gott og auðvelt aðgengi að stjórn.

Eitt að markmiðum nýrrar stjórnar er að bæta sýnileika félagsins og starfsemi þess útávið, halda úti öflugri heimasíðu ásamt betri viðveru á samfélagsmiðlum.

http://facebook.com/salur.myndlistarfelagsins

Instagram: myndlistarfelagid

 

Stjórn félagsins skipa:

Formaður

Klængur Gunnarsson

Meðstjórnendur

Freyja Reynisdóttir, varaformaður.

Helgi Vilberg Hermannsson, gjaldkeri.

Borghildur Guðmundsdóttir, ritari.

Hjördís Frímann, vararitari.

Varamenn

Lárus H. List

Hildur Björnsdóttir

Sýningarnefnd

Freyja Reynisdóttir

Helga Björg Jónasardóttir

Klængur Gunnarsson

Þórgunnur Oddsdóttir

Facebook Auto Publish Powered By : XYZScripts.com