Nordic House Mynd 1220×550

Tenging landa og lita – Watercolour Connections

11.11. – 10.12.2017

Norræna Húsið – Reykjavík

Alþjóðleg sýning á vatnslitaverkum frá meðlimum Norræna vatnslitafélagsins og The Royal Watercolour society og Wales.

Opnun laugardaginn 11. nóvember kl 15:00

Kl. 15 Opnunarávörp flytja Anders Högberg forseti Norræna vatnslitafélagsins og Robert Macdonald forseti Konunglega vatnslitafélagsins í Wales.

Kl. 16.00 mun þekktur hörpuleikari frá Wales, Eira Lynn Jones, flytja tónverk sem lýsa hughrifum hennar af sýningunni.

Þessi alþjóðlega sýning á vatnslitaverkum er afrakstur samvinnu milli Norræna vatnslitafélagsins og Konunglega vatnslitafélagsins í Wales. Sjötíu og tveir listamenn frá Íslandi, Skandinavíu og Wales sýna 95 áhugaverð vatnslitaverk.

Hinn mikli fjöldi alþjóðlegra og svæðisbundinna vatnslitafélaga um allan heim ber vitni um ástríðu fyrir listformi vatnslitarins. Aðrir miðlar listamanna hafa ekki náð á sama hátt að skapa slík samfélög, en vatnslitamálarar finna oft fyrir sterkri tengingu, skilningi og gagnkvæmum áhuga.

Hér á landi er ekki algengt að haldnar séu sýningar eingöngu með vatnslitaverkum. Gestum gefst því kostur á að njóta fjölbreytni í stíl og tækni á þessum spennandi miðli, sem vatnsliturinn er.

Aðgangur á sýninguna er ókeypis.

Facebook Auto Publish Powered By : XYZScripts.com