3be36d9c B38c 4824 9b02 C753a7556a6e

Sýningarlok / NORMIÐ ER NÝ FRAMÚRSTEFNA

13. janúar -19. mars 2017

Komið er að síðustu viku sýningarinnar NORMIÐ ER NÝ FRAMÚRSTEFNA, sem stendur til sunnudagsins 19. mars. Sýningin er hugleiðing um birtingarmyndir hversdagsleikans í íslenskri samtímalist og er þar nýjum verkum tvinnað saman við verk frá tíunda áratugnum þar sem má finna aðdáun á því sem er óvenjulega venjulegt. Sýningin var framlengd vegna góðra viðtaka og hlaut fjórar stjörnur í dómi í Morgunblaðinu í vikunni.

Á sýningunni í Gerðarsafni kemur fram áhugaverð skoðun á hinu hversdagslega í samtímalistinni, húmor í bland við ígrundaða efnisnotkun þar sem eiginleikar efnis fjöldaframleiðslunnar eru rannsakaðir, vísað til hins ósagða og þess sem er fjarverandi í heilsteyptri og skemmtilegri sýningu.
Úr dómi Aldísar Arnardóttur í Morgunblaðinu

Á sýningunni NORMIÐ ER NÝ FRAMÚRSTEFNA er hversdagsleikinn skoðaður frá sjónarhorni ellefu listamanna sem eiga það sameiginlegt að vinna verk sem verða til ​úr efni og aðstæðum hversdagsins og gera það hver með sínum persónulega hætti,​ hvort sem er á hugmyndalegan, myndrænan eða rýmislegan hátt​. Hér á hugtakið „hversdags“ ekki við um það sem er fábrotið eða ómerkilegt. Þvert á móti eru verkin á sýningunni póetísk. Þau varpa ljósi á fagurfræði hluta, þar sem kringumstæður hversdagsins eru undirstrikaðar og hið venjulega öðlast nýja merkingu með því að vera sett í óvænt samhengi. Verkin ​vekja með þessum hætti upp spurningar um þýðingu hins venjubundna og heimilislega í samtímanum​.

Listamenn: Anna Hrund Másdóttir, Arna Óttarsdóttir, Arnfinnur Amazeen, Emma Heiðarsdóttir, Finnur Arnar Arnarson, G.Erla – Guðrún Erla Geirsdóttir, Guðrún Hrönn Ragnarsdóttir, Loji Höskuldsson, Sólveig Aðalsteinsdóttir, Sveinn Fannar Jóhannsson, Þorvaldur Þorsteinsson.
Sýningarstjóri: Heiðar Kári Rannversson.
__________________________________________

Last week of NORMALITY IS THE NEW AVANT-GARDE
13 January – 19 March
The last week of the exhibition NORMALITY IS THE NEW AVANT-GARDE has come but the exhibition was extended to 19 March due to good reviews. The exhibition considers manifestations of the everyday in Icelandic contemporary art. The exhibition explores the everyday from the perspective of eleven artists, revealing admiration for that which is extraordinarily ordinary.

Artists: Anna Hrund Másdóttir, Arna Óttarsdóttir, Arnfinnur Amazeen, Emma Heiðarsdóttir, Finnur Arnar Arnarson, G.Erla – Guðrún Erla Geirsdóttir, Guðrún Hrönn Ragnarsdóttir, Loji Höskuldsson, Sólveig Aðalsteinsdóttir, Sveinn Fannar Jóhannsson, Þorvaldur Þorsteinsson.
Curator: Heiðar Kári Rannversson.