2356e614 5e97 416f B24c Bfd1fdbbd036

SHIFT – íslenskir og skoskir samtímahönnuðir á hönnunarmars

Fimm íslenskir og sex skoskir hönnuðir koma í fyrsta sinn saman í nýrri sýningu sem verður opnuð í Gallerí Gróttu á Seltjarnarnesi miðvikudaginn 22. mars kl. 17. Sýningin ber yfirskriftina SHIFT og er á dagskrá HönnunarMars

Á sýningunni er stefnt saman fjölbreyttum verkum skoskra og íslenskra samtímahönnuða sem vinna í leir, tré, eðalmálma og textíl. Þeir hittast í fyrsta sinn á HönnunarMars, skiptast á hugmyndum og byrja þróunarvinnu fyrir áframhaldandi verkefni. Tilgangur SHIFT er að gefa ólíkum hönnuðunum kost á faglegu samtali og útbúa farveg þar sem þeir geta veitt hver öðrum innblástur. Fyrsta sýningarverkefni hópsins er í Gallerí Gróttu en með áframhaldandi samstarfi í gegnum röð sýninga og viðburða í Skotlandi og á Íslandi munu hönnuðirnir fá tækifæri til að kynnast heimkynnum, umhverfi, hæfileikum, reynslu, efnisnotkun og tækni hvers annars.

Samstarfsverkefnið er í senn vettvangur fyrir ferskar hugmyndir og nýja nálgun í skapandi framleiðslu. Því er einnig ætlað að efla og búa til tengingar við nýja markhópa og stuðla að nánari tengslum milli landanna.

Þátttakendur:
Julia Smith  www.juliasmithceramics.com
Hilary Grant www.hilarygrant.co.uk
Diggory Brown (Netty Sopata) www.diggorybrown.com
Eileen Gatt www.eileengatt.co.uk
Yellow Broom (Clare Waddle og David Robson) www.yellowbroomproduct.co.uk
Agustav (Ágústa Magnúsdóttir og Gústav Jóhannsson) www.agustav.com
Doppelganger (Guðrún Lárusdóttir og Ragna Fróða) www.doppelgangercollection.com
Guðný Hafsteinsdóttir www.gudnyhaf.is

Sýningarstjórar:
Carol Sinclair og Pamela Conacher

Opnunartímar á HönnunarMars:
23. mars kl. 10-19
24. mars kl. 10-17
25. mars kl. 11-16
26. mars kl. 12-16

Viðburður á Facebook

Sýningin stendur yfir í mánuð eða til 22. apríl. Aðgangur er ókeypis.