Námskeið á vegum BHM á vorönn 2017

Árlega skipuleggur BHM margvísleg námskeið fyrir almenna félagsmenn aðildarfélaga, kjörna fulltrúa þeirra, starfsfólk og trúnaðarmenn. Þau eru yfirleitt opin öllum félagsmönnum BHM án endurgjalds og er ætlað að styrkja stöðu þeirra á vinnumarkaði. Þessi þáttur í starfsemi bandalagsins á sér m.a. stoð í grein 1.1. í lögum þess og ákvæðum kjarasamninga eða bókunum við þá.

Á vorönn 2017 verða eftirtalin 11 námskeið í boði. Hér er m.a. um að ræða námskeið um vinnurétt, samskipti á vinnustað og námskeið sem miða að því að efla persónulega færni þátttakenda. Eitt námskeið er sérstaklega ætlað trúnaðarmönnum (Grunnnámskeið II fyrir trúnaðarmenn). Dagskráin er birt með fyrirvara um breytingar sem, ef út í þær fer, verða
kynntar á vef BHM.
Opnað verður fyrir skráningu á vef BHM kl. 12:00 á hádegi miðvikudaginn 4. janúar nk. (slóðin er: http://www.bhm.is/um-bhm/fraedsla/dagskrafraedslu/). Vinsamlegast athugið að fjöldi þátttakenda er yfirleitt takmarkaður ‒ fyrst koma, fyrst fá. Til greina kemur að endurtaka einstök námskeið ef aðsókn er verulega umfram laus pláss. Kennsla fer fram í húsnæði
BHM að Borgartúni 6 í Reykjavík, 3. hæð. Nokkur af þessum námskeiðum verða einnig haldin á Akureyri í samstarfi við Akureyrarbæ og Ísafirði í samvinnu við Fræðslumiðstöð Vestfjarða en dagsetningar liggja enn ekki fyrir. Opnað verður fyrir skráningu á þessi námskeið á næstu viku.

Hér eru frekari upplýsingar um námskeiðin: fraedsludagskra-bhm-vor-2017

 

SÍM er aðili að BHM. Hér eru upplýsingar um hvernig félagar í SÍM geta orðið aðilar að BHM. 

Facebook Auto Publish Powered By : XYZScripts.com