Haust 2015 1

Listasafnið á Akureyri: Undirbúningur fyrir Sumarsýninguna er hafinn

Listasafnið á Akureyri efnir til sýningar á verkum eftir norðlenska myndlistarmenn, 10. júní-27. ágúst 2017. Dómnefnd velur úr innsendum verkum listamanna. Rétt til þátttöku á myndlistarfólk sem búsett er á Akureyri/Norðurlandi, er fætt þar og/eða uppalið eða hefur sterka tengingu við svæðið. Umsóknarfrestur er til og með 1. mars næstkomandi. Opið er fyrir umsóknir á heimasíðu Listasafnsins: www.listak.is.

Haust/Sumarsýningar voru lengi fastur liður í sýningarhaldi hér á landi og erlendis lifa þær víða enn góðu lífi. Sýningin er tvíæringur og endurvekur þá góðu hefð að sýna hvað listamenn á svæðinu eru að fást við. Hún verður því fjölbreytt og mun gefa góða innsýn í líflega flóru myndlistar á Akureyri og Norðurlandi.

Sýningin var síðast haldin í Listasafninu haustið 2015. Að þessu sinni er bæði árstíminn og sýningarrýmið annað, þ.e. sumar en ekki haust auk þess sem Ketilhúsið mun hýsa sýninguna að þessu sinni sökum fyrirhugaðara framkvæmda í Listasafnsbyggingunni.