Haust 2015 2

Listasafnið á Akureyri: Framlengdur umsóknarfrestur

Ákveðið hefur verið að framlengja umsóknarfrest fyrir Sumarsýningu Listasafnsins á Akureyri til og með 8. mars næstkomandi. Þar með er þeim listamönnum sem vildu skapa ný verk fyrir sýninguna gefið aukið svigrúm.

Listasafnið á Akureyri auglýsir eftir verkum eftir norðlenska myndlistarmenn til að sýna. Opið er fyrir umsóknir á slóðinni www.listak.is. Þeir sem rétt eiga til þátttöku eru myndlistarfólk sem búsett er á Akureyri/Norðurlandi, er fætt þar og/eða uppalið eða sem hefur sterka tenginu við svæðið.

Haust/Sumarsýningar voru lengi fastur liður í sýningarhaldi hér á landi og erlendis lifa þær víða góðu lífi enn. Sýningin er tvíæringur og endurvekur þá góðu hefð að sýna hvað listamenn á svæðinu eru að fást við. Hún verður því fjölbreytt og mun gefa góða innsýn í líflega flóru myndlistar á Akureyri og Norðurlandi.

Sýningin var síðast haldin í Listasafninu haustið 2015. Að þessu sinni er bæði árstíminn og sýningarrýmið annað, þ.e. sumar en ekki haust auk þess sem Ketilhúsið mun hýsa sýninguna að þessu sinni sökum framkvæmda í Listasafnsbyggingunni.