21432902 1593202710723877 2440643715780373759 N

Lifað af listinni – málþing

Samstarfshópur höfundaréttarsamtaka og Bandalags íslenskra listamanna gengst fyrir málþingi um höfundaréttarstefnu í Norræna húsinu 22. september nk. kl. 13:00 – 16:00

Haustið 2014 skipaði ráðherra iðnaðar- og viðskiptamála starfshóp sem fékk það verkefni að móta framtíðarsýn um hugverkaréttindi á Íslandi. Hópurinn skilaði tillögu að fullbúinni stefnu um hugverkaréttindi og var hún gefin út í júní 2016 sem opinber Hugverkastefna 2016-2022 undir heitinu „Hugverkaréttindi sem verðmæti og viðskiptatæki“.

Fyrirkomulag málþingsins verður þannig að haldin verða tvö innlegg um grundvallaratriði höfundaréttarstefnu og leitað rökstuðnings fyrir mikilvægi slíkrar stefnu. Þá verður sett upp vinna á borðum þar sem þátttakendum gefst kostur á að setja sitt mark á væntanlega stefnu, bæta við rökstuðningi og sjónarmiðum. Markmiðið er að málþingið skili efniviði sem Höfundaréttarnefnd og Höfundaréttarráð geta byggt á endanlega tillögu að Höfundaréttarstefnu 2018 – 2024.

Fundarstjóri og stjórnandi vinnunnar á borðunum verður Rán Tryggvadóttir formaður Höfundaréttarnefndar.

Facebook Auto Publish Powered By : XYZScripts.com