0c7d994f 6641 4dee A942 8819df2cb1fb

Leiðsögn: Anna Líndal í samtali við Bjarka Bragason á Kjarvalsstöðum

Leiðsögn: Anna Líndal í samtali við Bjarka Bragason
Sunnudag 12. nóvember kl. 14.00 á Kjarvalsstöðum

Leiðsögn um sýninguna Leiðangur með Önnu Líndal og Bjarka Bragasyni lektor við myndlistadeild Listaháskóla Íslands. Sýningin er sú fyrsta í röð árlegra yfirlitssýninga Listasafns Reykjavíkur á verkum atkvæðamikilla starfandi listamanna. Samhliða sýningunum verða gefnar út bækur þar sem viðfangsefni listamannanna eru greind. Bókin sem safnið gaf út samhliða sýningunni Leiðangur hefst einmitt á viðtali Bjarka við Önnu.

Verk Önnu einkennast af sterkum samfélagslegum tilvísunum, stundum samfélagsádeilu, en ávallt í virku samspili við þá sjónrænu þætti sem myndlistin hefur byggt á í gegnum aldirnar; myndbyggingu, litasamsetningu, staðsetningu í rými ásamt tilvísun í abstrakt list 20. aldarinnar, að ógleymdu mikilvægi áhorfandans.

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.

Viðburður á Facebook

Facebook Auto Publish Powered By : XYZScripts.com