19400126 10155494326000844 9192463602352180891 N

LANDIÐ ER LISTAVERK Jón Gústafsson sýnir ljósmyndir á Mokka

Sýningin stendur frá 29. júní til 16. ágúst á Mokka.

Jón Gústafsson, leikstjóri, kvikmyndagerðarmaður og ljósmyndari tók allar ljósmyndirnar á sýningunni úr þyrlu. Þetta er önnur einkasýning Jóns Gústafssonar á jafnmörgum mánuðum. Viðfangsefni listamannsins er landið sjálft, Ísland. En Jón gefur áhorfandanum sjónarhorn sem að fæstir hafa séð. Sem menntaður leikstjóri og margverðlaunaður kvikmyndagerðarmaður hefur Jón gríðarnæmt auga fyrir formum, litum og réttum augnablikum. Myndirnar fanga íslenska náttúru í sínum margbreytileika og sýna áhorfandum einstök mynstur hennar sem aðeins sjást úr lofti.

Jón lýsir vinnuferlinu svona:

“Þetta er frelsistilfinning. Við fljúgum á töluverðum hraða og við alls kyns aðstæður. Ég hef aldrei tíma til að virða fyrir mér viðfangsefnið heldur þarf ég að bregðast við tilfinningu. Um leið og ég hef tekið myndina er augnablikið horfið og ég leita að næsta viðfangsefni, einhverju sem vekur hjá mér tilfinningu og hjálpar mér að leiða hugann frá mótornum og maskínunni sem ég er fastur í. Mest allan tímann veit ég ekki nákvæmlega hvar við erum og ég man sjaldnast eftir flugferðinni. Þegar ég lendi og skoða myndirnar verð ég oftast undrandi. Landið okkar er stórfenglegt og fullt af leyndarmálum sem birtast þeim sem eru tilbúnir að sjá þau.”

JonGustafsson.com

Viðburðurinn á Facebook.

Facebook Auto Publish Powered By : XYZScripts.com