Jardfraedi

Jarðfræði og leirsmiðja fyrir krakka sunnudag 2. apríl á Kjarvalsstöðum

Er hægt að búa til bolla úr grjóti? Smiðja fyrir krakka
Sunnudag 2. apríl kl. 14 á Kjarvalsstöðum
 –

Snæbjörn Guðmundsson jarðfræðingur stýrir smiðjunni sem ætluð er krökkum á aldrinum 8-12 ára í fylgd með fullorðnum. Smiðjan er haldin í tengslum við sýninguna Dæmisögur – vöruhönnun á 21. öld á Kjarvalsstöðum.

Snæbjörn sýnir mismunandi grjóttegundir og segir frá, talar um jarðfræði Íslands og ber saman við önnur lönd. Þá sýnir Snæbjörn krökkunum mismunandi leirtegundir og leyfir þeim að meðhöndla leirinn og móta.

Verkefni Snæbjörns og Brynhildar Pétursdóttur, vöruhönnuðar og Ólafar Erlu Bjarnadóttur, keramikers, Leitin að íslensku postulíni er sýnt á sýningunni sem nú stendur í vestursal Kjarvalsstaða.

Auk þess að vera jarðfræðingur kennir Snæbjörn í vísindasmiðju Háskólans og Háskóla unga fólksins.

Börn eru beðin um að mæta í fötum sem mega óhreinkast.

Takmarkaður aðgangur. Börn fá frítt í smiðjuna en aðgöngumiði á safnið gildir fyrir fullorðna. Frítt fyrir handhafa Árskorts Listasafns Reykjavíkur og Menningarkorts Reykjavíkur.

Facebook Auto Publish Powered By : XYZScripts.com