Hjólaleiðsögn með Steini Ármanni leikara

Sunnudaginn 16. júlí mun Steinn Ármann Magnússon leikari hjóla með gesti um Viðey í leiðsögn sem verður bæði gamansöm og fróðleg. Hjólaleiðin er ekki strembin þannig að allir ættu að geta komið og verið með, hjólagarpar sem og byrjendur á öllum aldri. Þátttakendur koma með eigin reiðhjól og þeim verður kippt með í ferjuna. Allir eru velkomnir enda hentar hjólatúrinn öllum sem hafa gaman að því að hjóla.

Siglt verður stundvíslega frá Skarfabakka kl. 13:15. Þeir sem vilja fá sér léttan hádegisverð í Viðeyjarstofu fyrir hjólreiðaferðina er bent á 12:15 ferjuna.

Gjald í ferjuna fram og til baka er 1.500 kr. fyrir fullorðna, 1.350 kr. fyrir eldri borgara og 750 kr. fyrir börn 7 – 17 ára í fylgd fullorðinna. Börn 6 ára og yngri sigla frítt.

Við minnum á að handhafar Menningarkorts Reykjavíkur fá 10% afslátt í Viðeyjarferjuna  og af veitingum í Viðeyjarstofu. Handhafar Gestakortsins sigla frítt.

Facebook Auto Publish Powered By : XYZScripts.com