F8a9a6b3 B5ec 4744 95d0 76d5730b5412

Fyrirlestur: Íslensk list, af því hún er til

Fyrirlestur: Íslensk list, af því hún er til
Fimmtudag 6. júlí kl. 20.00 í Hafnarhúsi

Bryndís Hafþórsdóttir listfræðingur heldur erindi í Hafnarhúsinu og fjallar um hvort bakgrunnur listamanna skipti máli.

Íslenskir listamenn hafa á undanförnum árum náð góðum árangri í hinum alþjóðlega listheimi og verk Ragnars Kjartanssonar hafa fengið sérstaklega góða dóma af gagnrýnendum og sýningarstjórum víða um heim. Það hefur þó ekki þótt tímabært fyrr en nú að halda stóra safnasýningu á verkum Ragnars á Íslandi.

Galleristar og aðrir sem sjá um kynningu á íslenskri myndlist á erlendri grundu hafa lagt áherslu á að list íslenskra myndlistarmanna eigi erindi út fyrir landsteinana burtséð frá bakgrunni þeirra, að hún sé hvorki séríslensk né staðbundin.

Í fyrirlestri sínum mun Bryndís Hafþórsdóttir halda öðru fram. Hún telur að list Ragnars Kjartanssonar sem sé einmitt afsprengi samruna þess staðbundna, hins íslenska bakgrunns, við hið alþjóðlega. Í því er falin nokkur þversögn, en til að skilja áhrifin sem list Ragnars hefur á áhorfendur um allan heim þurfi að viðurkenna að hún sé að einhverju leyti séríslensk.

Bryndís Hafþórsdóttir er listfræðingur með MA gráðu frá California College of the Arts. Hún býr og starfar í Kaliforníu. Fyrirlesturinn er haldinn í tengslum við sýninguna Guð, hvað mér líður illa eftir Ragnar Kjartansson í Hafnarhúsi.

Fyrirlesturinn er haldinn á ensku. Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.

Facebook Auto Publish Powered By : XYZScripts.com