976208e1 47f5 42a5 A203 Eb59abc2ee3d

Styrmir Örn Guðmundsson flytur gjörning í Kling & Bang Föstudaginn 3.nóvember

Föstudaginn 3.nóvember í Kling & Bang mun Styrmir Örn Guðmundsson og félagar flytja gjörninginn What Am I Doing With My Life? (WAIDWML) þar sem rappað verður um heilsuna, umhverfið, lækningar og dauða.

Verkið er farandsgjörningur sem hefur ferðast víða um Evrópu og er unnið í samstarfi við heimamenn á hverjum stað. Gjörningurinn er hugsaður sem lækningarlegt inngrip sem beitir einskonar nálastunguaðferðum til að heila sambönd og samskipti.
Ferðakort farandsgjörningsins er líkami – Pólland við tærnar, Ísland er nefið og fyrir hvern líkamshluta þarfnast Styrmir aðstoðar frá ýmsum aðilum innan læknadeildar sinnar.

Örn Alexander Ámundason er sjúklingur sem þarf á góðri meðferð að halda á meðan Indriði Arnar ingólfsson bíður eftir því að vera endurlífgaður. Sem betur fer mun Styrmir, hinn sjálfyfirlýsti læknir, framkvæma aðgerðina með færum hópi sérfræðinga; skurðlækninum Ástu Fanneyju Sigurðardóttur, hjúkrunarfræðingnum Arnari Ásgeirssyni og taugasérfræðingnum Bergi Thomasi Anderssyni. Að lokum mun Benedikt Nikulás Ketilsson segulóma gjörninginn fyrir land og þjóð.

Gjörningurinn var frumfluttur á Survival Kit listahátíðinni í Riga árið 2016. Síðan þá hefur gjörningurinn verið fluttur í Autarkia í Vilníus, Broken Dimanche í Berlín, í Litháen skálanum á Biennalnum í Feneyjum, A-Dash í Aþenu, Kunstverein í Amsterdam, í Pólsku Skúlptúr miðstöðinni í Oronsko og í That Might Be Right í Brussel.

Ferðalag gjörningsins mun svo enda í Kling & Bang í Marshallhúsinu í Reykjavík föstudaginn 3.nóvember kl.19.00, þar sem Íslands-frumsýning á gjörningnum What Am I Doing With My Life?  mun fara fram, ásamt opnunaratriðum 900 stig og Data Grawlix.

Allir velkomnir og engin aðgangseyrir.

WAIDWML
Föstudagurinn 3.nóbember kl.19.00
Kling & Bang
Marshall húsið
Grandagarður 20
101 Reykjavík

Facebook Auto Publish Powered By : XYZScripts.com