ARTÓTEK

Nánar um Artótek - Listhlöðu í Borgarbókasafni

Artotekið er til húsa á jarðhæð Borgarbókasafnsins í Grófarhúsi í Tryggvagötu, innst til vinstri þegar komið er inn   Þar eru verkin til sýnis. Reiknað er með að vera með max 5 verk frá hverjum listamanni inni í einu - fer eftir stærð. Þegar verkin eru leigð eða seld út er æskilegt að listamaðurinn komi með önnur í staðin.  Vegna plássleysis er ekki hægt að hafa mörg stór verk og hámarks verð verks er um 500.000 kr (vegna trygginga m.a.).  

Æskilegt er að tvívíð verk séu í ramma. Óinnrömmuð verk á pappír t.d. teikningar, grafíkmyndir eða ljósmyndir verða eingöngu til sölu ekki leigu. 

Listamaðurinn ákveður alfarið sjálfur verðið á verkum sínum og eru þau í hans eigu þar til þau seljast.  Artotekið kaupir ekki verk heldur er einungis milliliður.

Verkin eru leigð/lánuð út og er leiguupphæð reiknuð út frá verði verksins.  Listamaðurinn fær 70% af leigunni en artotekið fær 30%. Vilji lánþeginn kaupa verkið fer áður greidd leiga sjálfkrafa upp í verðið. Þegar hann hefur greitt leigu sem samsvarar verði verksins þá eignast hann verkið.  Skili hann verkinu inn áður en hann hefur greitt það að fullu, er leigan að sjálfsögðu ekki afturkræf.  Lágmarks leigutími er 1 mánuður, hámark 36 mánuðir. Ákveði hann að kaupa verkið fær hann það á sömu kjörum, þ.e.a.s. með afborgunum.

Verkin verða tryggð meðan þau eru hér innanhúss en lánþeginn (hans trygging) ber ábyrgð á listaverkinu þegar það er í útleigu.  Listamennirnir sjá um að koma verkunum hingað í safnið.  Listamaðurinn getur ekki innkallað verkið ef það er í útleigu en sé það inni (í artotekinu) getur hann tekið það til baka hvenær sem er.  Hafi verk verið inni án útleigu í 6 mánuði tekur listamaðurinn það til baka.

Leigugjaldið er eftirfarandi:

Söluverð verks:                Leiga á mánuði (án vsk og seðilgjalds):
> 36.000 kr.                           1.000 kr.
37.000-72.000 kr.                   2.000 kr.
73.000-108.000 kr.                 3.000 kr.

109.000-144.000 kr.               4.000 kr.
145.000-180.000 kr.               5.000 kr.
181.000-216.000 kr.               6.000 kr.
217.000-252.000 kr.               7.000 kr.
253.000-288.000 kr.               8.000 kr.
289.000-324.000 kr.               9.000 kr.
325.000 >                            10.000 kr.

Leiguverðið er hugsað þannig mánaðarleigan er 1/36 af hærri söluverðstölunni hverjum dálki þ.e. ef leiga er 3 þúsund þá gildir sú upphæð gildir um verk sem kostar 36 x 3.000 eða 108.000 kr. og niður að verði sem er 36 x 2.000 eða 72.000 kr.

Engir vextir eru greiddir vegna leigu eða kaupa, aðeins bætist ofan á seðilgjald og vsk ofan á 30% þannig að hagstæðari kjör bjóðast tæplega.  Ekki er komið á hreint með vsk vegna leigu en líklegt er að hann bætist við.

Vegna samkeppnislaga verður þessi starfsemi að standa undir sér og er því ekki niðurgreidd af Borgarbókasafninu.  Það er því miklivægt að byrja með nokkrum krafti.

Artotekið er samstarfsverkefni SÍM og Borgarbókasafns og verða myndlistarmennirnir því að vera fullgildir félagsmenn í SÍM (hafa greitt árgjald SíM). 

Á heimasíðu Artóteksins, www.artotek.is er að finna upplýsingar um hvaða verk eru í artotekinu hverju sinni.

Afgreiðslutími Artóteksins er á þriðjudögum kl. 12 - 16 og á fimmtudögum kl. 16 - 20. Einnig er hægt að skoða listaverkin á heimasíðunni http://www.artotek.is ©Artótek - Listhlaða í Borgarbókasafni.  Grófarhúsi, Tryggvagötu 15, 101 Reykjavík.  Sími 563 1717 - Fax: 563 1705 - Netfang: katrin@borgarbokasafn.is  - Heimasíða: www.borgarbokasafn.is 
Útlán fara fram á þriðjudögum kl. 12-16 og á fimmtudögum kl. 16-20