HAGNÝTAR UPPLÝSINGAR FYRIR FÉLAGSMENN

Á þessari síðu eru upplýsingar sem snerta myndlistarmenn eingöngu.  Til þess að komast inn á læsta hluta síðunnar  þarf notendanafn og lykilorð.  Notendanafn fæst með því að senda lykilorð (að eigin vali) í tölvupósti til skrifstofu SÍM og fá þeir þá notendanafn til baka.  Eingöngu skuldlausir félagsmenn í SÍM geta fengið lykilorð.

Þegar ný frétt er sett inn á læsta svæðið fá félagsmenn stutta tilkynningu í tölvupósti.

Á læsta svæðinu eru félagafréttir, þar eru birtar m.a. auglýsingar um styrki, sýningar, samkeppnir, gestavinnustofur o.fl.  

Á þessari síðu eru einnig Samkeppnisreglur SÍM, Skattaleiðbeiningar fyrir myndlistarmenn, gjaldskrá SÍM, samningar og upplýsingar er varða samskipti við fjölmiðla. 

SÍM aðstoðar félagsmenn sína í faglegum málefnum, s.s. í sambandi við höfundarétt, vsk, tryggingar, flutninga, tollamál, ýmis réttindi, sýningarhald og lögfræðileg atriði. Öll aðstoð sem SÍM veitir stendur félagsmönnum til boða endurgjaldslaust. 

SÍM mun aðallega miðla upplýsingum til sinna félagsmenna gegnum þessa heimasíðu.

Upplýsingum verður safnað saman í fréttabréf sem gefið verður út á stafrænu formi fjórum sinnum á ári og birt hér á heimasíðunni. Þeir sem ekki hafa aðgang að tölvu eða nettengingu geta fengið fréttabréfið útprentað og sent í venjulegum pósti.  Þeir sem þess óska þurfa að hafa samband við skrifstofu SÍM.