M y n d l i s t  o g  b e r j a m ó !

Dalir - Hólar - handverk

Myndlistarmenn sem taka þátt í sýningunni eru:

Guðjón Ketilsson
Hannes Lárusson
Hildur Bjarnadóttir
Hlynur Helgason
Sólveig Aðalsteinsdóttir
Unnar Auðarson
Þóra Sigurðardóttir

Hildur Bjarnadóttir situr yfir sýningunni helgina 15-16 ágúst.
Sýningin stendur til 31. ágúst og er opin alla daga frá 14-18.

Dalir - Hólar - handverk er sýningarverkefni í Dölum, við Breiðafjörð og á Ströndum.  Náttúra og menning svæðisins er uppspretta verkanna. Skólahús gamla landbúnaðarskólans í Ólafsdal og umhverfi hans er útgangspunktur sýningarinnar. Húsið hefur staðið ónotað og óbreytt í áratugi og er mikil upplifun að koma þar inn.

Skólinn var á mörkum þeirra þriggja sýslna sem sýningin spannar og naut stuðnings sveitanna í kring á öndvegisdögum sínum. Vegna þessa var ákveðið að nýta húsiðsem þungamiðju sýningarinnar og tengja þaðan í lykilstaði í
nágrannasveitarfélögum.

Sýningin fer þannig fram á 4 stöðum: í húsi gamla Landbúnaðarskólans í Ólafsdal, á Sauðfjársetrinu í Sævangi við Steingrímsfjörð, í Byggðasafni Dalamanna að Laugum í Sælingsdal og í Bátasafni Breiðafjarðar, Reykhólum.
Sýningin leiðir gesti um svæðið með því að staðsetja verk sýningarinnar á fjórum stöðum og prenta leiðakort - sem jafnframt er sýningarskrá. sjá: www.artinfo.is/olafsdalur

Menningarráð Vesturlands og Menningarráð Vestfjarða styrkja viðburðinn.